逆境牧訊 2021-01-20

把智慧留給孩子

「如果屋企失火,你逃命時會帶走咩嘢?」

如果你有仔女,佢地會點答?

好多人都讚猶太教育,聽講有咁樣個做法:每個猶太家庭嘅孩子,都要回答,倘若孩子回答係金銀珠寶,父母就會問:「孩子,有一樣寶貝,無形狀,無顏色,無氣味,你知道係咩嗎?」如果孩子還回答唔到,父母就嚴肅咁講:「記住!你要帶走嘅唔係錢,唔係鑽石,而係「智慧」。智慧像健康一樣,任何人都無法搶走,你將終身擁有。只要活着,智慧將永遠與你同行。」


箴言 9:10:敬畏耶和華是智慧的開端,認識至聖者便是聰明。


咁究竟點樣先至可以培養出好嘅基督徒孩子?點先可以將真智慧畀到下一代?


最近主日崇拜講道,兩位同工都提到兒童同埋青少年嘅成長,亦都有好好嘅提醒,佢地都提到家庭對於孩子成長嘅重要性,大家可以去重溫林姑娘同李妍(嘉菲)最近嘅講道。

咁我哋自己係點樣做人點樣做基督徒?會唔會對孩子都有正面嘅影響呢?抑或講一套做一套?重視金銀珠寶學習成績名利成就多過敬畏神?平時有無言教身教分享信仰?


講返猶太孩子,1938年11月10日嘅柏林,兩個好勇敢嘅猶太人孩子,David Zwingermann 同埋Horst Löwenstein 冒險潛入去一間被敵對神嘅極權放火燒毀咗嘅猶太廟,搶救咗12卷仍然完好嘅猶太律法書經卷 Torah,當時佢哋只有14歲。我地嘅孩子會咁做嗎?

點樣先可以培養出咁樣又勇敢又有價值觀嘅下一代?如何善用無聚會可返的日子做好家庭信仰培育?


箴言 8:11 因為智慧比珍珠更美,一切可喜愛的都不足與比較。